धनगढी- कैलालीको धनगढीमा टिप्परको ठक्करबाट एक जनाको मृत्यु भएको छ । धनगढी उपमहानगरपालिका–१३, राजपुर चोकस्थित सडकमा सुदूरपश्चिम प्रदेश ०१००१– त २६४५ नम्बरको टिप्परको ठक्करबाट एक जनाको मृत्यु भएको हो ।
गोदावरी–५ का २७ वर्षीय अर्जुन चौधरीले चलाएको टिप्परको ठक्करबाट बैतडीको पाटन नगरपालिका–६ का ५३ वर्षीय मन्दिर सिंह विष्टको मृत्यु भएको हो। उनलाई बाटो काट्ने क्रममा टिप्परले ठक्कर दिएको थियो ।
गम्भीर घाइते भएका उनलाई उपचारका लागि माया मेट्रो अस्पताल, धनगढी लगिएको थियो। उपचारको क्रममा उनको मृत्यु भएको कैलाली प्रहरीले बताएको छ । उनको शव अस्पतालमा नै छ ।
