धनगढी- धनगढी उप-महानगरपालिका ३ नं. वडा कार्यालय भवनको शिलन्यास गरिएको छ । धनगढी उप-महानगरपालिकाका नगर प्रमुख नृपबहादुर वडले सोमबार भवनको शिलन्यास गरेका हुन । निर्माण भैरहेको वडा कार्यालय भवन एक बर्ष भित्रै निर्माण सम्पन्न हुने गरि ठेक्का सम्झौता भएको छ ।
नगर प्रमुख नृपबहादुर वडले १९ वटा वडा कार्यालयहरु मध्य अधिकांस वडाको भवन निर्माण सम्पन्न भैसकेको बताए । बाँकी वडाको वडा कार्यालय भवन पनि निर्माण कार्य आफ्नो कार्यकाल भित्रै सम्पन्न गरिने नगरप्रमुख वडले बताए । वडा कार्यालय ब्यबस्थीत नभए सम्म वडा तहको कार्य सम्पादन ब्यबस्थीत हुन नसक्ने भएका कारणले पूर्वाधार निर्माण कार्यलाई उप-महानगरपालिकाले प्राथमिकतामा राखेको नगर प्रमुख वडले बताए । वडले भने- ‘कार्यालयनै ब्यबस्थीत भएन भने त्यहाँबाट सम्पादन हुने काम प्रभावकारी हुन सक्दैन त्यसैले पनि हामीले वडा कार्यालयका आफ्नै भवनहरु निर्माण गर्न सुरु गरेका छौंं ।’
धनगढी उप-महानगरपालिका वडा नं ३ का वडा अध्यक्ष बलबहादुर ऐरले वडा कार्यालयको निर्माण कार्य कस्तो भैरहेको छ त्यसको निगरानी गर्न स्थानीय संग अनुरोध समेत गरेका छन् । ऐरले भने- यो वडाबासीको सम्पती हो निर्माण कार्य राम्रो संग सम्पन्न गर्नुपर्छ । वडा कार्यालयको निर्माण कार्य समयमै सम्पन्न हुने समेत बताए ।
