अत्तरिया, ११ भदाै– कैलालीको लम्कीचुहा नगरपालिका–३, बल्चौरमा घरमाथि पहिरो खस्दा दुई जना घाइते भएका छन्। घाइते हुनेमा घरभित्र बसिरहेका ७५ वर्षीय गोपाल चौधरी र उनकी ७२ वर्षीया श्रीमती गौरी चौधरी रहेको जिल्ला प्रशासन कार्यालय कैलालीका सूचना अधिकारी शिवराज जोशीले बताए। उनीहरूको स्थानीय क्लिनिकमा उपचार भइरहेको छ।
pअविरल वर्षाका कारण गएराति ८ बजेतिर चौधरीको घरमाथि पहिरो खसेको थियो। पहिरोले घरमा क्षति पुगेको बताइएको छ।
