अत्तरिया, १४ बैशाख– कैलालीको गोदावरी नगरपालिका वडा नं.२ उत्तरबनखेतमा रहेको सुदूरपश्चिम माध्यमिक विद्यालयले बिहीबार बिदाई कार्यक्रम सम्पन्न गरेको छ ।
विद्यालयले एक कार्यक्रमको आयोजना गरी यसै विद्यालयमा कार्यरत शिक्षक दिनेश बि.क.लाई बिदाई गरेको हो । उनले डोटी जिल्लाबाट प्रा.वि.स्थायीमा नाम निकाल्न सफल भएका हुन् । उनको डोटी जिल्लाको बोगटान फुडसिल गाउँपालिकामा रहेको सरस्वती आ.वि.मा दरबन्दी रहेको छ ।
सो अवसरमा लामो समय सम्म विद्यालयमा रही शिक्षण पेशामा रही नाम निकाल्न सफल शिक्षक बि.क.लाई दोसल्ला ओढाएर अविर माला सहित मायाको चिनो प्रदान गरीएको थियो ।
विद्यालय ब्यबस्थापन समितिका अध्यक्ष गणेश थापाको अध्यक्षता भएको कार्यक्रमका प्रमुख अतिथी शिक्षक अभिभावक संघका अध्यक्ष शालिभान साउद रहेका थिए । विशिष्ट अतिथी हरीकृष्ण पाण्डेय पूर्व विद्यालय व्यवस्थापन अध्यक्ष, बाजी कामी रहेका थिए ।
त्यस्तै कार्यक्रममा बिद्यालयका प्रधानाध्यापक नगेन्द्र नाथ योगी लगायत बुद्धिजीवी, अभिभावक, शिक्षक/शिक्षिका, विद्यार्थीहरुको उपस्थिति रहेको कार्यक्रमको संचालन खगेन्द्र नाथ योगीले गरेका थिए ।
