काठमाडौं- रौतहटमा कुटपिटबाट एक जनाको मृत्यु भएको छ। ईशनाथ नगरपालिका-९ लवताना बस्ने २० वर्षीय गणेश यादवले बुधबार दिउँसो कुटपिट गर्दा घाइते भएका राजदेवी नगरपालिका-१ पथरा बस्ने २५ वर्षीय गजेन्द्र दासको बिहीबार दिउँसो मृत्यु भएको हो ।
जिल्ला प्रहरी कार्यालय रौतहट र प्रहरी चौकी बडहर्वाबाट खटिएको प्रहरीले कुटपिटमा संलग्न हाल फरार गणेशको खोजी गर्नुका साथै यस सम्बन्धमा आवश्यक अनुसन्धान गरिरहेको जनाएको छ। कुटपिटको कारणबारे केही खुलाइएको छैन।
