कैलालीको अत्तरियामा रहेको ‘सिवाईसी’ क्लबबाट खेलेर अर्जुन ट्रफी क्रिकेट प्रतियोगिता विजेता खेलाडीलाई सम्मान गरेको छ ।
मंगलबार क्लवले आफ्नै खेलमैदान गोदावरी -१ मा रहेको भवनमा खेलाडीहरूलाई खादा ओढाएर सम्मान गरेको छ । सिवाईसी क्लबका संस्थापक अध्यक्ष नरबहादुर राई लगायत क्लबका पदाधिकारीले उनिहरुलाई सम्मान गरेको हो ।
सिवाईसी अत्तरियाले यस अघि सञ्चालित डीपीएल, डीसीएल हुँदै अर्जुन ट्रफी समेत उपाधि जितेको छ। विजयी ट्रफी सिवाइसी अत्तरिया स्कुल अफ क्रिकेट एकेडेमीमा राखिएको छ।
सिवाईसी यस क्षेत्रको स्थापित क्लब हो । उक्त क्लबले खेलका बिभिन्न विधामा खेलाडी उत्पादन गर्दै आएको छ । यस्तै गोदावरी नगरपालिकाले पनि विजेता खेलाडीहरूलाई सम्मान गरेको छ ।
नगरपालिका कार्यालयमा नगरप्रमुख विरेन्द्र भट्टले खेलाडीहरु, टिम कोच, व्यवस्थापक लगायतलाई टीका खादाका साथ मायाको चिनोले सम्मान गरेका हुन । सिवाईसी अत्तरियाबाट भीम सार्की विवेक यादव, साहव आलम, रसिद खान, दिपेश कँडेल, सन्तोष कार्की लगायतका खेलाडीले अर्जुन ट्रफीमा सहभागिता जनाएका थिए ।
