धनगढी- राष्ट्रियसभा निर्वाचनका लागि सुदूरपश्चिम प्रदेशबाट नेकपा एमालेले पनि उम्मेदवारी दर्ता गराएका छन् । सुदूरपश्चिमबाट नेकपा एमाले उम्मेदवार बनेका सावित्रा देवी घिमिरे, ईश्वरीप्रसाद खरेल रामचन्द्र जोशीले उम्मेदवारी दर्ता गराएका हुन् ।
उनीहरूले सोमबार दिउँसो धनगढीस्थित निर्वाचन अधिकृतको कार्यालय पुगेर उम्मेदवारी दर्ता गराएका हुन् । सावित्रा (महिला), ईश्वरी प्रसाद (अन्य), र रामचन्द्र-अपांगता/अल्पसंख्यक) उम्मेदवारको नाम टुंग्याएको थियो । माघ ११ गते हुने राष्ट्रियसभा चुनावका लागि सोमबार उम्मेदवारी दर्ताको समय छ ।
माघ ११ गते बिहीवारका दिन हुने राष्ट्रिय सभा सदस्य निर्वाचनका लागि स्वीकृत निर्वाचन कार्यक्रम अनुसार हिजो (आइतबार) सात वटै प्रदेशको निर्वाचन अधिकृतको कार्यालयमा अन्तिम मतदाता नामावली प्रकाशन गरिएको थियो ।
सुदूरपश्चिम प्रदेशमा प्रदेश सभा सदस्य तर्फको मतदाता संख्या ५२ तथा गाउँपालिकाका अध्यक्ष र उपाध्यक्ष तथा नगरपालिकाका प्रमुख र उपप्रमुख तर्फको मतदाता संख्या १७६ गरी जम्मा २२८ जना मतदाता कायम भएका छन् ।
