धनगढी- नेपाल लोकतन्त्रवादी आदिवासी जनजाति महासंघ सुदूरपश्चिम प्रदेश अन्तरगतका जिल्ला अध्यक्षहरु मनोनय गरिएको छ । कैलालीको धनगढीस्थित नेपाली काँग्रेस पार्टी कार्यालयमा एक समारोह गरि नौ वटै जिल्लाका अध्यक्षहरुको मनोनयन गरिएको हो ।
महासंघको कैलाली अध्यक्षमा गंगाबहादुर योन्जन, दार्चुला अध्यक्षमा विरेन्द्र सिंह बुढाथोकी, कञ्चनपुरमा कृष्णबहादुर तामाङ, डोटीमा विनोद पुन मगर, बैतडीमा सन्तोष राई, बाजुरामा चन्द्रबहादुर विष्ट, बझाङमा प्रेमबहादुर लामा, डडेल्धुरामा वसन्तदेवी थापामगर र अछाममा दमन घर्तीमगरलाई मनोनयन गरिएको नेपाली काँग्रेस कैलाली सचिव केशवराज मिश्रले जानकारी दिए ।
चुरे गाउँपालिका उपाध्याक्ष नेपाल लोकतान्त्रिक आदिवासी कि केन्द्रिय सदस्य नेपाली काँग्रेसकी महासमिति सदस्य धना थापा मगरको अध्यक्षतामा पार्टीका प्रदेश सभापति वीरबहादुर बलायरको प्रमुख आतिथ्यमा कार्यक्रममा भएको थियो ।
समारोहमा प्रदेश महामान्त्री मेखराज खडका तथा यस महासंघका केन्द्रीय सभापति ओमबहादुर घर्तीमगर, कैलाली काँग्रेसका सचिब केशवराज मिश्र लगायतको सहभागितामा मनोनयन भएका अध्यक्षहरुलाई सपथ ग्रहण गराइएको थियो ।