धनगढी- जिल्ला कैलालीको कैलारी गाउँपालिका–४ भितरिया घाट क्षेत्रबाट भारतबाट अवैध रूपमा भन्सार छली गरी ल्याइएका करिब ८ लाख रुपैयाँभन्दा बढी मूल्यका विभिन्न सामान प्रहरीले बरामद गरेको छ।
जिल्ला प्रहरी कार्यालय कैलालीबाट खटिएको प्रहरी टोलीले गएराति बेवारिसे अवस्थामा फेला पारेका अन्दाजी ८ लाख तीन सय रुपैयाँ बराबरका कुर्ती, टप्स, दुई थान साइकललगायतका सामान नियन्त्रणमा लिएको हो।
प्रहरीले आवश्यक कानुनी प्रक्रिया पूरा गरी बरामद सामान सम्बन्धित निकायमा बुझाउने तयारी गरेको जनाएको छ।