काठमाडौँ- सामाजिक सञ्जालमाथि प्रतिबन्ध लगाएको विरोधमा पत्रकारहरूले माइतीघर मण्डलामा प्रदर्शन गरेका छन् ।
नेपाल पत्रकार महासंघका पूर्वपदाधिकारीलगायत पत्रकारहरूले सामाजिक सञ्जालहरुमाथि लगाइएको प्रतिबन्धको विरोध गर्दै प्रदर्शन गरेका हुन् ।
प्रेस स्वतन्त्रता र नागरिक अधिकारको रक्षाका लागि प्रदर्शनमा उत्रिएको उनीहरूको भनाइ छ ।
सरकारले गत बिहीबारदेखि फेसबुक, इन्स्टाग्राम, युट्युब, एक्सलगायत नेपालमा सूचीकरण नभएका २६ सामाजिक सञ्जालमाथि प्रतिबन्ध लगाएको थियो ।
सरकारको उक्त कदमको चौतर्फी विरोध भइरहेको छ ।