अत्तरिया- पशु स्वास्थ्य तथा सेवा व्यवसायी परिषद निर्वाचनमा भूगोल तर्फ सुदूरपश्चिममा लाल बहादुर बोहरा बिजयी भएका छन् ।
नेकपा एमाले र नेपाली कांग्रेस निकट गठबन्धन बाट उपाध्यक्षका उम्मेदवार काजि बहादुर श्रेष्ठ नेतृत्वको प्यानलबाट बोहरा उम्मेदवार बनेका हुन् । उनले निकटम प्रतिद्वन्दी धन बहादुर चौधरी लाई ९० मतको अन्तरले पछि पार्दै निर्वाचित भएका हुन् । बोहराले ४१७ मत र चौधरीले ३२७ मत प्राप्त गरेका छन भने कुल जम्मा मत ७४९ मत खसेको थियो ।
एमाले-कांग्रेस गठबन्धन बाट भूगोल तर्फ सुदूरपश्चिम प्रदेश सदस्यमा उम्मेदवार दिएका बोहरा नेल्टा नेपालका सुदूरपश्चिम प्रदेश संयोजक हुन । सुदूरपश्चिम प्रदेशमा कुल १ हजार ६ सय ६७ जना मतदाता रहेका थिए ।
बोहराले भूगोल तर्फ सूदुरपश्चिम प्रदेश सदस्यमा निर्वाचित भएपछि आफ्नो प्राथमिकता पशु स्वास्थ्य तथा पशु सेवा व्यवसायलाई कानुनी मान्यताका लागि ब्यवस्थित, मर्यादित र गुणस्तरीय बनाउन रहने, एक गाउँ एक प्राविधिक तथा तिनै तहमा करार सेवामा कार्यरत पशु सेवा प्राविधिकहरूको निरन्तरता र दिगो रूपमा व्यवस्थापन गर्ने, पशु सेवामा संग्लन रहेका निजी क्षेत्र एवम् प्राइभेट व्यवसायीलाई दर्ता र नवीकरणमा सरलता ल्याउन र परिषदमा प्रत्यक्ष सरोकार राख्ने ६ वटै पेसागत संस्थाका सदस्यहरू आफ्नो योग्यता, अनुभव र सिपका आधारमा पेसागत कार्य गर्न गराउने सुनिश्चितताका लागि आफु सदैव पहल गर्न लाग्ने प्रतिबद्धता व्यक्त गर्नु भएको नेल्टा सुदूरपश्चिम प्रदेश कार्यसमिति सचिव हेमन्त बाजेले जानकारी दिए ।
