त्रिभुवन विश्वविद्यालयले शनिबार दीक्षान्त समारोहको ५० वर्ष पूरा गरेको अवसरमा स्वर्ण महोत्सवका रूपमा समारोह मनाउँदैछ । उक्त समारोह त्रिपुरेश्वरस्थित दशरथ रङ्गशालामा आयोजना गरिएको छ ।
यस वर्षका दीक्षान्त समारोहमा १४ हजार ३०८ विद्यार्थी दीक्षित हुँदैछन्, जुन गत वर्षको तुलनामा दुई हजारभन्दा बढी बढी विद्यार्थीहरूको सहभागिता हो ।
समारोह समितिका उपाध्यक्ष र त्रिवि परीक्षा नियन्त्रण कार्यालयका परीक्षा नियन्त्रक पुष्पराज जोशीका अनुसार, स्नातक तर्फ ९ हजार ६८, स्नातकोत्तर पाँच हजार ५५, एमफिल तर्फ ६३ र विद्यावारिधि (पीएचडी) तर्फ १२२ विद्यार्थी दीक्षित हुँदैछन् ।
समारोहमा २२ विद्यार्थीलाई सर्वोत्कृष्ट पदक दिइनेछ, जसमा १७ छात्रा र ५ छात्र छन् । दीक्षान्त समारोहको प्रमुख अतिथिका रूपमा वरिष्ठ कृषि वैज्ञानिक डा. रामप्रसाद यादव रहनेछन् ।
समारोहमा त्रिविका कुलपति र प्रधानमन्त्री केपी शर्मा ओली, त्रिविका सहकुलपति र शिक्षा, विज्ञान तथा प्रविधिमन्त्री विद्या भट्टराई लगायतका प्रमुख व्यक्तिहरूको सहभागिता रहनेछ ।
त्रिभुवन विश्वविद्यालयले दीक्षान्त समारोहमा सहभागी हुने विद्यार्थीलाई बिहान १० बजेभित्र समारोहस्थलमा प्रवेश गर्न अनुरोध गरेको छ ।
