कञ्चनपुर, २७ साउन- सुदुरपश्चिम नमुना बहुउद्देश्यीय सहकारी संस्था लिमिटेडले आफ्नो भवनको समुद्घाटन गरेको छ। सस्थाले एक बर्ष नपुग्दै आफ्नै भवनको निर्माण गरेको हो । सहकारीले अब आफ्नै भवनबाट सेवा प्रवाह गर्ने भएको छ ।
बुधबार बदेकोट नगरपालिकाका नगर प्रमुख अशोक कुमार चन्दले बेदकोट नगरपालिका वडा नं. ४ बैतडास्थीत नवनिर्मित सहकारीको भवनको उद्घाटन गरेका हुन् ।
सहकारीका अध्यक्ष नरेन्द्र बहादुर चन्दको सभापतित्व एवं नगर प्रमुख अशोक कुमार चन्दको प्रमुख आतिथ्यतामा सम्पन्न समुद्घाटन समारोह कार्यक्रममा सहकारीका शेयर सदस्य, पदाधीकारी लगायत अन्य सरोकारवालाहरुको उपस्थिति रहेको थियो ।
बेदकोट नगरपालिकाका मेयर चन्दले सहरकारी संस्थालाई उन्नती र प्रगतिको बाटोमा लागिरहोस भन्दै शुभकामना व्यक्त समेत गरेका थिए ।
