सुदूरका ३ जिल्लाबाट एकै दिन ८ फरार दोषी पक्राउ

RBB Bank Suvakamana
Purbadhar dadeldhura

धनगढी- सुदूरपश्चिमका तीन जिल्लाबाट एकै दिन ८ फरार दोषी पक्राउ परेका छन् । पक्राउ पर्नेमा कैलाली, कञ्चनपुर र बाजुराका विभिन्न मुद्दाका दोषी रहेका छन् ।

जिल्ला अदालत कैलालीको बिभिन्न मितिको फैसलाले जरिवाना ठहर भई फरार रहेका वन पैदावार बिना ईजाजत ओसार-पोसार मुद्दामा २ लाख ३१ हजार १३६ जरिवाना ठहर भएकी घोडाघोडी नगरपालिका-६ बस्ने धना पार्की, वन मुद्दामा ३० हजार २०१जरिवाना ठहर भएका धनगढी उपमहानगरपालिका-१३ बस्ने कण बहादुर बोहरा रहेका छन् ।

Malpot office dadeldhura

यी दुबै जनालाई आइतवार जिल्ला प्रहरी कार्यालय कैलाली तथा मातहत प्रहरी ईकाइहरुबाट खटिएको प्रहरी टोलीले पक्राउ गरेको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक कुलदीप चन्दले बताए ।

यस्तै जिल्ला अदालत कञ्चनपुरको बिभिन्न मितिको फैसलाले जरिवाना ठहर भई फरार रहेका कुटपिट मुद्दामा ७५० जरिवाना ठहर भएका दोधारा चाँदनी नगरपालिका-७ बस्ने कणर्े दमाई र लुटपाट मुद्दामा १ हजार ८७५ जरिवाना ठहर भएका दोधारा चाँदनी नगरपालिका-७ बस्ने ईन्द्र बहादुर रावत रहेको जिल्ला प्रहरी कार्यालय कञ्चनपुरका प्रवक्ता प्रहरी नायव उपरीक्षक प्रकाश डाँगीले बताए । यी दुबै जनालाई आईतवार जिल्ला प्रहरी कार्यालय कञ्चनपुरबाट खटिएको प्रहरी टोलीले उनीहरुकै घरबाट पक्राउ गरेको डाँगीले जनाकारी दिए ।

उता बाजुराबाट थप ४ जना दोषी पक्राउ परेका छन् । जिल्ला अदालत बाजुराको फैसलाले हातहतियार सम्बन्धी कसुर मुद्दामा ९ महिना १७ दिन कैद सजाय र १०हजार जरिवाना ठहर भई फरार रहेका बाजुराको बुढीनन्दा नगरपालिका-८ बस्ने कविन्द्र बोहरा, आईते बोहरा, दले कामी र बुढीनन्दा नगरपालिका-१० बस्ने पृथ्वी बहादुर सिंह रहेको जिल्ला प्रहरी कार्यालय बाजुराले जनाएको छ । आइतवार अस्थाई प्रहरी पोष्ट पाण्डुसैन, बाजुराबाट खटिएको प्रहरी टोलीले चारै जनालाई घरबाट पक्राउ गरेको प्रहरीले जनाएको छ । फरार रहेका ८ जनालाई फैसला कार्यान्वयनको लागि प्रहरीले सम्बन्धित अदालत समक्ष पेश गरिसकेको छ ।

add haru
Dadeldhura Aspatal & Ban
Loading...