धनगढी- कैलालीको धनगढीबाट १ लाख ४१ हजार भारु रुपियाँ सहित २ जना पक्राउ परेका छन् । सुदूरपश्चिम प्रदेश प्रहरीका अनुसार उनीहरूलाई बुधवार पक्राउ गरिएको हो ।
पक्राउ पर्नेमा धनगढी उपमहानगरपालिका वडा नम्बर ४ बसपार्कका ३५ वर्षीय पवन गुप्ता र ३२ वर्षीय अंकित गुप्ता रहेका छन् । उनीहरूलाई त्रिनगरबाट स्रोत नखुलेको भारतीय नगद रकम सहित पक्राउ परेका हुन् ।
सुदूरपश्चिम प्रदेश प्रहरी कार्यालय, धनगढीको टोलीले उनीहरूलाई सुदूरपश्चिम प्रदेश ०१००८ प १६६० नम्बरको मोटरसाइकल र भारतीय रकम सहित पक्राउ गरेको हो । उनीहरूको स्रोत नखुलेको रकमको विषयमा प्रहरीले थप अनुसन्धान गर्दैछ ।