कैलाली- एकै दिन कैलालीका ७ जना फरार प्रतिबादी पक्राउ परेका छन् । जिल्ला अदालत कैलालीको बिभिन्न मितिको फैसलाले कैद सजाय तथा जरिवाना ठहर भई फरार रहेका बिभिन्न मुद्दाका फरार प्रतिवादीहरुलाई बुधवार जिल्ला प्रहरी कार्यालय कैलाली तथा मातहत प्रहरी ईकाइहरुबाट खटिएको प्रहरी टोलीले पक्राउ गरेको जिल्ला प्रहरी कार्यालय कैलालीले जनाएको छ ।
लागु औषध मुद्दामा ४ महिना ३ दिन कैद सजाय र २ हजार रुपैयाँ जरिवाना ठहर भएका कैलालीको गादावरी नगरपालिका-५ बस्ने दिनरश चौधरी पक्राउ परेका छन् ।
स्तै सरकारी छाप किर्ते मुद्दामा ५ महिना २८ दिन कैद सजाय र ५० हजार जरिवाना ठहर भएका कैलालीको धनगढी उपमहानगरपालिका-१४ बस्ने धन बहादुर तामाङ् । सरकारी छाप किर्ते मुद्दामा ५ महिना २१ दिन कैद सजाय र ५० हजार रुपैयाँ जरिवाना ठहर भएका कैलालीको धनगढी उपमहानगरपालिका-१४ बस्ने दोर्चे लामा ।
जुवातास मुद्दामा २६ दिन कैद सजाय ठहर भएका जिल्ला कैलालीधनगढी उपमहानगरपालिका-४ बस्ने देवराज पाठक । वन मुद्दामा २ हजार ९ सय ५९ रुपैयाँ जरिवाना ठहर भएका कैलालीको गोदावरी नगरपालिका-७ बस्ने जिबन चौधरी रहेका छन् ।
वन मुद्दामा २ हजार ९ सय ५९ रुपैयाँ जरिवाना ठहर भएका जिल्ला कैलाली गोदावरी नगरपालिका-७ बस्ने भोजलाल चौधरी । वन मुद्दामा २ हजार ९ सय ५९ रुपैयाँ जरिवाना ठहर भएका जिल्ला कैलाली गोदावरी नगरपालिका-७ बस्ने कर्मराज चौधरी रहेको प्रहरीले जनाएको छ ।