धनगढी- कैलालीको धनगढीबाट दुई जना युवक लागूऔषध सहित पक्राउ परेका छन्। धनगढी उपमहानगरपालिका वडा नम्बर २ विश्वनाथ मन्दिर नजिकबाट धनगढी वडा नम्बर १३ का ३० वर्षीय शिवदास राना र २० वर्षीय विरेन्द्र राना बिहीवार साँझ पक्राउ परेका हुन्।
अस्थायी प्रहरी पोष्ट शान्तीनगर, कैलालीबाट खटिएको प्रहरी टोलीले उनीहरुलाई धनगढी २ विश्वनाथ मन्दिर नजिकबाट १ ग्राम ५५०मिलिग्राम लागूऔषध सहित फेला पारी पक्राउ गरेको जनाएको छ। यस सम्बन्धमा प्रहरीले थप अनुसन्धान गरिरहेको छ।