चोरी गरी कैलालीमा लुकीछिपी बसेका ठगुन्नालाई प्रहरीले पक्राउ गर्याे

RBB Bank Suvakamana
Purbadhar dadeldhura

धनगढी- काठमाडौँमा चोरी गरेर कैलालीमा लुकीछिपी बसेका २२ वर्षीय लोक सिंह ठगुन्नालाई प्रहरीले पक्राउ गरेको छ। कैलालीबाट ठगुन्नालाई काठमाडौं लगेर हिजो (बिहीबार) प्रहरीले सार्वजनिक गरेको छ।

माघ २७ गते मध्यरातिको समयमा काठमाडौँ कालिमाटीस्थित अमन खाद्य स्टोरको सटरको ताल्चा फुटाएर चोरी हुन्छ। बाराको गढीमाई नगरपालिका २ घर भई कालिमाटीमा स्टोर सञ्चालन गर्ने ४७ वर्षका मनोजकुमार गुप्ताले भोलिपल्ट स्टोर खोलेर हेर्दा २० लाख रुपैयाँ गायव भएको देखियो। त्यसपछि उनले प्रहरीलाई खबर गर्छन्। प्रहरी बृत्त कालिमाटी र जिल्ला प्रहरी परिसर काठमाडौँबाट संयुक्त टोली चोरीको अनुसन्धानतर्फ खटिन्छ।

Malpot office dadeldhura

स्टोरमै जडित सीसीटीभी फुटेजबाट चोरको हुलिया खुल्छ। चोरको हुलिया खुले पनि पहिचान भने हुन सक्दैन।त्यसपछि प्रहरीले चोरी गर्न सक्ने सम्भावित व्यक्तिहरू अनुसारको चोरी पहिल्यै कतै गरेको रेकर्ड भएका व्यक्तिहरू, विगतमा चोरीमा संलग्नको निगरानी सुरु गर्छ।लगातार ३ दिनसम्मको अनुसन्धानपछि प्रहरीले चोरको पहिचान खुलाउँछन्। चोरीमा संलग्न व्यक्ति कैलालीमा लुकीछिपी बसेको तथ्य प्रहरीले पत्ता लगाउँछ।

त्यसपछि उनीहरूलाई पक्राउ गर्न प्रहरी परिसर काठमाडौं र प्रहरी वृत्त कालिमाटीको संयुक्त टोली कैलाली पुग्छ।कैलालीको गोदावरी नगरपालिका-२ पहाड लाइनस्थित न्यू सत्कार होटल रेष्टुरेन्ट र लजको कोठा नम्बर १२० मा लुकेर बसेको अवस्थामा १२ लाख ९६ हजार ५६५ रुपैयाँ र समानसहित कञ्चनपुर शुक्लाफाँटा नगरपालिका ८ पारीफाँटाका २२ वर्षीय लोक सिंह ठगुन्ना पक्राउ परे।

प्रहरीले गरेको सोधपुछ र अन्य प्रमाणका आधारमा खुल्यो चोरी गरेपछि लोकसिंह ठगुन्ना पठाओ बुक गरी ठमेल पुगेको र ठमेलका विभिन्न स्थानहरूमा पुगेको खुलेको छ।डान्सबार, क्याफे र होटलतिर रमाईलो गरेर भोलिपल्ट बेलुका बालाजु बसपार्कबाट कैलालीको अत्तरीया गएको खुलेको छ। त्यहाँ पुगेर उनले चारेको पैसाले रमाईलो गरेको प्रहरीले जनाएको छ। बाबुआमाको निधन भएपछि रोजगारी नहुँदा आफू चोर्न हिँडेको बयान ठगुन्नाले बताएका छन्। अदालतबाट म्याद लिएर चोरी मुद्दामा उनीविरुद्ध अनुसन्धान सुरु भएको छ।

add haru
Dadeldhura Aspatal & Ban
Loading...