Satyawati
Division ban Pahalmanpur

गोदावरीमा नगर स्तरीय सरोकारवालाहरुसंग न्याय सम्पादन त्रैमासिक समिक्षा कार्यक्रम सम्पन्न

Sostya office Dadeldhura
Purbadhar dadeldhura

अत्तरिया– कैलालीको गोदावरी नगरपालिकामा नगर स्तरीय सरोकारवालाहरुसंग न्याय सम्पादन त्रैमासिक समिक्षा कार्यक्रमको आयोजना गरिएको छ । नगरपालिकाको न्यायिक समितिद्वारा आयोजित उक्त अन्तरक्रिया कार्यक्रममा नगर उपप्रमुख शारदा देवि रोकायाको अध्यक्षतामा भएको हो ।

न्यायिक समितिले हेर्न पाउने मुद्दाहरु लगायतका विषयमा छलफल गरिएको अन्तरक्रिया कार्यक्रममा अधिवक्ता गणेश कडायतले प्रशिक्षण गरेका थिए । कार्यक्रममा नगरपालिकाका प्रमुख प्रसासकीय अधिकृत हरिदत्त भट्ट, नगरपालिकाका बिभिन्न वडाका वडाध्यक्ष, न्यायिक समितिका सदस्यहरू लगायतको उपस्थिति रहेको थियो । गोदावरीमा न्यायिक समितिमा २७ ओटा नयाँ मुद्दा दर्ता ः गोदावरी नगरपालिकाको न्यायिक समितिमा २७ ओटा नयाँ मुद्दा दर्ता भएका छन् । चालु आर्थिक वर्ष २०८०/०८१ को हालसम्ममा २७ ओटा नयाँ मुद्दा दर्ता भएका हुन् ।

Malpot office dadeldhura

न्यायिक समितिका अनुसार चालु वर्षमा गत आर्थिक वर्षका १८ विवाद सरिआएका छन् । सरिआएका र नयाँ गरी जम्मा ४५ मुद्दा दर्ता भएकामा समितिले ३८ मुद्दा फर्छ्यौट भइसकेका जनाएको छ । बाँकी ७ ओटा मुद्दा फर्छ्यौटको प्रक्रियामा रहेका बताइएको छ ।

फर्छ्यौट भएका ३८ मुद्दामध्ये २५ मुद्दा न्यायिक समितिमा मेलमिलाप भएका र १३ मुद्दा मेलमिलाप केन्द्रमा मेलमिलाप भएका बताइएको छ ।समितिको तथ्याङ्क अनुसार सबैभन्दा बढी जग्गा विवादका १२ मुद्दा परेका छन् । तीमध्ये १० ओटा फर्छ्यौट भइसकेका छन् भने दुई मुद्दा फर्छ्यौटको प्रक्रियामा रहेका छन् ।

त्यसैगरी लेनदेनका ८ मुद्दा परेकामा ७ ओटा फर्छ्यौट भइसकेका छन् । गालीगलौजका ६ मध्ये ५ ओटा, घरबहालका ३ मध्ये १ र खानलाउन तथा शिक्षादीक्षा नदिएको भन्दै परेका २ मुद्दामध्ये १ मुद्दा फर्छ्यौट भएको छ ।

बाटो विवादका ३, अंश मुद्दाका २, श्रीमान श्रीमतीबिच विवादका ४, बाली नोक्सानी, जेष्ठ नागरिक पालनपोषण नगरेको, आफ्नो घरको छतको पानी अरुको जग्गामा झारेको, फोहोरमैला फालेर असर गरेको र छिमेकीले घर बनाउँदा आफ्नो घरमा क्षति पारेको भन्दै क्रमशः १/१ मुद्दा दर्ता भएकामा सबै फर्छ्यौट भइसकेका छन् ।

Dadeldhura Aspatal & Ban
Jalsorat division office dadeldhura
Loading...