अत्तरिया- इसाई धर्मको पवित्र पर्व क्रिसमसको उपलक्ष्यमा इसाई समाज गोदावरीले अत्तरियामा रहेको श्रीजनशील युवा क्लबको मैदाममा संयुक्त ख्रीष्टमस कार्यक्रमको आयोजना गरिएको छ ।
इसाई समाज गोदावरीका अध्यक्ष डेभिड कैनिको सभापतित्वमा भएको कार्यक्रममा गोदावरी नगरपालिकाका नगर प्रमुख बिरेन्द्र भट्ट प्रमुख अतिथि थिए ।
कार्यक्रममा प्रमुख अतिथि बिरेन्द्र भट्टले नेपाल धर्म निरपेक्ष राष्ट्र भएकोले सबै धर्म समान भएको बताए । उनले भने, ‘यस गोदावरी नगरपालिका भित्र रहेका ३२/३५ वटा चर्चका सबै साथीहरुलाई एकै ठाउँमा उभियार शुभकामना ओहोर दोहर गर्ने मौका दिनु भएकोमा आयोजक समितिलाई धन्यवाद व्यक्त गर्न चाहन्छु।’
धर्म जनसुकै होस धर्मका कारण यो समाज अगाडी बढेको छ । समाजको परिवर्तनका लागि धर्म आवश्यक रहेको बताए । धर्मको रक्षा गर्नु तीन तहको सरकारको पनि जिम्मेवार रहेको बताए । सबैले हातेमालो गरेर हाम्रो समाजमा धर्म मान्य मानिसहरुको संरक्षण गर्नुपर्ने बताए ।
यसैकुराहरुलाई बिचार मनन गर्दै उहाँहरुलाई हाम्रो पनि सरकार छ हामी पनि यसै समाजका मानिस हौं हाम्रो पनि केही अधिकार छ भन्ने अनुभुति दिलाउनको लागि यस धर्मको लागी पनि नगरपालिकाले १० लाख रुपैयाँ बिनियोजन गरेको बताए ।
त्यस्तै बिशिष्ट अतिथिहरुमा इलाका प्रहरी कार्यालयका प्रतिनिधि इन्सपेक्टर बासुदेव भट्ट, वडा नं ५ का वडाध्यक्ष शुद्धिराम चौधरी, वडा नं. ९ का वडा सदस्य उद्धव राज भट्टराई, वडा नं १० का वडा सदस्य शेर बहादुर तामाङ, वडा नं १ का वडाध्यक्ष गोपाल दत्त भट्ट, इसाई समाज गोदावरीका पास्टर धन बहादुर बिक लगायतको उपस्थिति रहेको थिए ।
स्वागत मन्तव्य गोदावरी इसाई समाजका पास्टर देबराज भट्टले ब्यक्त गरेको कार्यक्रमको संचालन पास्टर खडक बिकले गरेका थिए ।
हरेक वर्ष क्रिसमस २५ डिसेम्बरकै दिन मनाइन्छ । वास्तवमा, एउटा निकै नै प्रारम्भिक ईसाई परम्पराका अनुसार, जुन दिन मेरीलाई उनीसंग एक अति नै विशष बच्चा अर्थात यीशु हुनेछन् भनिएको थियो, त्यो तारिख थियो २५ मार्च । २५ मार्चको नौ महिनापछि २५ डिसेम्बर । यस्तो बेला यीशुको जन्मका लागि २५ डिसेम्बर सबैभन्दा राम्रो दिन मानियो । यसका अतिरिक्त उक्त तिथिलाई एक रोमन पर्व अथवा मकर संक्रान्तिसंग सम्बन्ध स्थापित गर्ने आधारमा पनि चुनिएको मानिन्छ ।
त्यस्तै पुस ९ गते ख्रीष्टमस डे मनाइँदै छ । क्रिश्चियन धर्मका संस्थापक येशू ख्रीष्टको जन्म जयन्तीका अवसरमा ख्रीष्टमस (क्रिसमस) दिवस मनाइने गरिन्छ ।
