Satyawati
Division ban Pahalmanpur

डोटी र बैतडीमा खुलेन सुपथ मूल्य पसल

Sostya office Dadeldhura
Purbadhar dadeldhura

डोटी- दशैँ र तिहारलाई मध्यनजर गर्दै सञ्चालन हुने सुपथ मूल्य पसल डोटीमा सञ्चालन नहुने भएको छ । नेपाल खाद्य तथा व्यापार कम्पनी लिमिटेडले डोटी र बैतडी जिल्ला बाहेकका सुदूरपश्चिम प्रदेशका सात जिल्लामा चाडपर्व लक्षित सुपथ मूल्य पसल सञ्चालनमा ल्याएको छ ।

मंसिर ३ गतेसम्म सञ्चालन हुने पसलहरूमा आइतवारदेखि मूल्य सूची सहित सञ्चालनमा आइसकेका छन् । डोटी र बैतडीमा भने यस्ता पसल सञ्चालन नहुने भएका छन् ।

Malpot office dadeldhura

बैतडी र डोटी जिल्ला रहेका डिपो र कार्यालयमा कर्मचारी नहुँदा कम्पनीले चामल बिक्री गर्न सुपथ मूल्य पसल चलाउन नसकेको नेपाल खाद्य तथा व्यापार कम्पनी लिमिटेड धनगढीका कार्यालय प्रमुख इन्जिला बस्नेतले बताइन् । पसल सञ्चालन भएको ठाउँमा सुपथ मूल्य पसलबाट उपभोक्ताले चामलमा प्रति किलो ७ रुपैयाँ छुट पाउने बस्नेतले बताइन् ।

‘खाद्य तथा व्यापार कम्पनीले सुपथ मूल्य पसल सञ्चालनमा ल्याएको छ’ उनले भने ‘कम्पनीले बडा दशैं, तिहार र छठ पर्वलाई लक्षित गरेर सुपथ मूल्य पसल मंसिर ३ गतेसम्म सञ्चालन गर्नेछ ।’

खाद्य तथा व्यापार कम्पनी मार्फत सरकारले यो वर्ष दुई किसिमको चामल सहुलियत मूल्यमा बिक्रीमा राखेको छ । कम्पनीले अरुवा मोटा चामल प्रति किलोग्राम ४६ रुपैयाँमा बिक्री गर्ने छ ।

जबकि मोटा चामलको बजार मूल्य ५३ रुपैयाँ प्रति किलोग्राम छ । त्यस्तै, स्टिम जिरा मसिनो चामलको बजार मूल्य ९० रुपैयाँ प्रति किलोग्राम रहेकोमा खाद्य कम्पनीले ८३ रुपैयाँ प्रति किलोग्राम मूल्य तोकेको छ ।

 

Dadeldhura Aspatal & Ban
Jalsorat division office dadeldhura
Loading...