कञ्चनपुर, २९ बैशाख- कञ्चनपुरको गड्डाचौकी र गौरीफन्टा नाकाबाट बुधबार १३ सय १३ जना नेपाल भित्रिएका छन् । गड्डाचौकी नाकाबाट २ सय ४६ जना र गौरीफन्टाबाट १ हजार ६७ जना गरी १३ सय १३ जना स्वदेश फर्किएका हुन ।
दुइवटै नाकाबाट स्वदेश फर्किएका मध्ये २९ जनामा कोरोना संक्रमण देखिएको छ । गड्डाचौकी नाकाबाट २ सय ४६ जना भित्रिएकोमा २२५ जनामा एन्टीजेन परिक्षण गर्दा ९ जना र गौरीफन्टाबाट १ हजार ६७ जना भित्रिएकोमा १२५ जनामा एन्टीजेन परिक्षण गर्दा २० जनामा कोरोना संक्रमण देखिएको जिल्ला प्रशासन कार्यालय कञ्चनपुरले जनाएको छ।
कोरोना संक्रमण देखिएका व्यक्तिहरुलाई भने कञ्चनपुरको महाकाली अस्पताल र सेती अस्तालको आईसोलेसनमा राखिने गरेको जनाएको छ । यस्तै बुधबार नै दुइवटै नाकाबाट १ सय ३१ जना नेपालबाहिर गएका छन् । जिल्ला प्रशासन कार्यालय कञ्चनपुरका अनुसार कोरोना संक्रमण देखिएका बाहेका बाँकी अरु सबैलाई आ-आफ्नो स्थानीय तहको जिम्मा लगाईएको जनाएको छ ।
जिल्ला प्रशासन कार्यालय कञ्चनपुरद्वारा प्रकाशित आवागमन विवरण:
