काभ्रेको रोशीमा तीर्थ यात्रु सवार भारतीय बस र जिप ठोक्किँदा ५ जनाको मृत्यु भएको छ भने १८ जना घाइते भएका छन्।
काभ्रेको रोशी गाउँपालिका–११ मा सो दुर्घटनाभएको प्रहरीले जनाएको छ।
बीपी राजमार्ग अन्तर्गत रोशी गाउँपालिकामा भारतीय तीर्थ यात्रु सवार बस र टाटा सुमो ठोक्किदा ५ जनाको मृत्यु भएको काभ्रेका प्रहरी प्रवक्ता डीएसपी हरी खतिवडाले जानकारी दिए।
मृत्यु हुनेमा टाटो सुमोमा सवार रहेका ६ वर्षीय बालकसहित ५ जना रहेका छन्। घाइतेलाई उपचारका लागि धुलिखेल अस्पताल लगिएको छ।
भारतीय नम्बरप्लेटको बस जनकपुरतर्फ गइरहेको थियो भने टाटा सुमो सिन्धुलीबाट आइरहेको थियो।
