अत्तरिया- कैलालीको गोदावरी नगरपालिका वडा नं. १० कार्यालयले वडाभित्रका एकल महिलाहरूका लागि झुल वितरण कार्यक्रम आयोजना गर्ने भएको छ । वडा कार्यालयले मिति २०८३ जेठ २५ गते एक सूचना जारी गर्दै यस कार्यक्रमबारे जानकारी गराएको हो ।
आर्थिक वर्ष २०८२/०८३ को स्वीकृत वार्षिक कार्यक्रम अन्तर्गत वडा कार्यालय मार्फत एकल महिला (असहाय विधवा भत्ता) सामाजिक सुरक्षा भत्ता लिइरहेका नागरिकहरूलाई झुल वितरण गर्न लागिएको व्यहोरा सूचनामा उल्लेख छ ।
वडा अध्यक्ष रवीन्द्र शाहीद्वारा हस्ताक्षरित उक्त सूचनामा सम्पूर्ण सरोकारवालाहरूलाई तोकिएको मिति, समय र स्थानमा उपस्थित भई सामान बुझिलिन अनुरोध गरिएको छ ।
वितरण कार्यक्रमको विवरण:
-
मिति: २०८३ साल जेठ २८ गते
-
समय: बिहान १०:०० बजे देखि
-
स्थान: १० नं. वडा कार्यालय भवन
आवश्यक पर्ने कागजातहरू :
झुल लिन आउँदा सेवाग्राहीहरूले अनिवार्य रूपमा निम्न कागजातका प्रतिलिपिहरू साथमा लिएर आउनुपर्नेछ:
१. नेपाली नागरिकता प्रमाणपत्रको प्रतिलिपि
२. सामाजिक सुरक्षा (शासु) भत्ता प्रमाणपत्रको प्रतिलिपि
