अत्तरिया, ३२ असार- धनगढीस्थित सेती प्रादेशिक अस्पतालको प्रयोगशालामा गरिएको परीक्षणमा थप २१ जनामा कोरोना संक्रमण पुष्टि भएको छ ।
पछिल्लो २४ घण्टामा प्रयोगशालामा १ सय ५५ जनाको नमूना परीक्षण गर्दा २१ जनामा संक्रमण पुष्टि भएको अस्पतालका सूचना अधिकारी दिलिपकुमार श्रेष्ठले जानकारी दिए । पछिल्लो २४ घण्टामा उपचाररत एक जना कोरोना संक्रमितको मृत्यु भएको अस्पतालले जनाएको छ ।
सेती प्रादेशिक अस्पताल मातहतको कोभिड अस्थायी अस्पतालमा उपचाररत कञ्चनपुरको भीमदत्त नगरपालिका वडा नं. १८ की ५० वर्षीया महिलाको मृत्यु भएको सूचना अधिकारी दिलिपकुरमा श्रेष्ठले जानकारी दिए । २४ साउनमा अस्पताल भर्ना भएकी उनको भेन्टिलेटरमा राखेर उपचार भइरहेको थियो ।
सुदूरपश्चिममा साउन पहिलो सातादेखि कोरोनाका जटिल प्रकृतिका संक्रमित बढ्न थालेपछि मृत्यु हुने क्रम पनि सुरु भएको छ । प्रादेशिक अस्पतालको कोभिड अस्थायी अस्पतालमा अहिले १८ जना संक्रमित उपचाररत छन् । उनीहरु मध्ये ४ जनाको आईसीयूमा राखेर उपचार भइरहेको सूचना अधिकारी श्रेष्ठले जानकारी दिए।
