धनगढी- कैलालीको धनगढीमा दुई युवक प्रहरीलाई देख्नासाथ मोटरसाइकल छोडेर भागेका छन् । बुधवार साँझ ५ बजे धनगढी उपमहानगरपालिका वडा नम्बर-१३ शिवमन्दिर पछाडिबाट ती युवकहरु मोटरसाइकल छोडेर फरार भएका प्रहरीले जनाएको छ ।
जिल्ला प्रहरी कार्यालय कैलालीका प्रवक्ता कुलदिप चन्दले सुप्रप्र ०१ ००९ प ५४७४ नम्बरको १५० सिसीको पल्सर मोटरसाइकल छोडेर दुबै जना भागेको बताए ।
स्थानीयले दुई जना युवा लामो समयदेखि सो स्थानमा बसेको खबर गरेपछि सोधपुछ गर्न कैलाली गाउँ प्रहरी चौकीको टोली पुग्दा दुबैजना मोटरसाइकल छोडेर जङ्गल तर्फ भागेको प्रहरीले जनाएको छ । उनीहरूको खोजी भइरहेको प्रहरीले जनाएको छ ।
