कञ्चनपुर, १२ असार– कञ्चनपुरका प्रमुख जिल्ला अधिकारी रामकुमार महतोको फेसबुकबाट पैसा मागिएको छ। सिडिओको नयाँ फेसबुक खाता खोल्दै पैसा सहयोग गर्न भनिएको हो। हाल सिडिओले प्रयोग गर्दै आएको फेसबुक खाताको प्रोफाइल र कभर फोटोको प्रयोग गर्दै बिभिन्न व्यक्तिलाई पैसा सहयोग गरिदिन म्यासेज आउने गरेको छ ।
सिडिओ महतोले भने अज्ञात व्यक्तिले आफ्नो नक्कली फेसबुक आईडी बनाएर त्यस्तो कार्य गरेको बताए । उनले यस आइडीबाट विभिन्न व्यक्तिसँग रकम मागेको समेत जानकारीमा आएकोले त्यस आइडीलाई ब्लक र फ्रेन्ड रिक्वेष्ट आएमा साथी नबनाउन आग्रह गरेका छन् ।
उनले अस्वाभाविक व्यवहार देखाएमा भ्रममा नपर्न समेत बताएका छन् । आफ्नो नामको फेसबुक अकाउण्ट खोल्ने जो कोहीलाई आवश्यक कानूनी कारबाही गर्ने सिडिओ महतोले बताए । तर उक्त खाता अहिले बन्द गरिएको छ।
