कञ्चनपुर- कञ्चनपुरमा माटोको ढिस्कोले पुरिएर एक जनाको मृत्यु भएको छ । जिल्लाको शुक्लाफाँटा नगरपालिका–१२ तिल्की बस्ने ४० वर्षीया हरदुलिया रानाको माटोको ढिस्कोले पुरिएर सोमबार बिहान मृत्यु भएको हो ।
लालझाडी गाउँपालिका–४ जाइस्थित माटो खन्ने क्रममा माटोको ढिस्को खसेर हरदुलिया पुरिएको खबरपछि इलाका प्रहरी कार्यालय बेलौरीबाट खटिएको प्रहरीले स्थानीयको सहयोगमा उद्धार गर्ने क्रममा उनको शव फेला परेको हो ।
साथै माटोको ढिस्कोले पुरिएर घाइते भएकी १ जनाको संजीवनी अस्पताल धनगढीमा उपचार भइरहेको प्रहरीले जनाएको छ । यस सम्बन्धमा प्रहरीले आवश्यक अनुसन्धान गरिरहेको छ ।
