अत्तरिया- कैलालीको गोदावरी नगरपालिका–४ चुनेपानीस्थित लक्ष्मीनारायण मन्दिरमा साधुको हत्या भएको छ ।
मन्दिरको बगैँचामा रहेको कुटीमा बस्दै आएका ७८ वर्षीय साधु भगत रामनारायण डगौराको बुधबार राति करिब साढे १२ बजे ढुङ्गा प्रहार गरी हत्या गरिएको प्रहरीले जनाएको छ ।
डगौरा कञ्चनपुरको कृष्णपुर नगरपालिका स्थायी ठेगाना भएका हुन् । उनी करिब १६ वर्षदेखि चुनेपानीस्थित मन्दिर परिसरमै बस्दै आएका थिए ।
मन्दिरतर्फबाट जाहेरी दर्ता भएपछि प्रहरीले प्रारम्भिक अनुसन्धान अघि बढाएको छ । यस घटनामा संलग्न शंका लागेका एक जनालाई मालाखेती प्रहरीले नियन्त्रणमा लिएको छ ।
