अत्तरिया- सशस्त्र प्रहरीले कैलालीले धनगढी १९ खेदाघाटबाट २५ लाख बराबरको बेवारिसे अवस्थाको सामग्री बरामद गरेको छ ।
नेपाल भारतको सिमा क्षेत्रमा भारतबाट भन्सार छलीको सामग्री आउन लागेको सुचना प्राप्त भएपछि सशस्त्र प्रहरी ३४ नम्बर गणका प्रमुख सुरेन्द्रराज सञ्जितको कमाण्डमा गएको टोली बरामद गरेको हो ।
टोलीले भारतबाट अबैध रुपमा भन्सार छली नेपाल भित्राएको गोठ जस्तो छाप्रोमा लुकाई छिपाई राखेको लेडिज सुट, साडी, कुर्ता सुरुवाल, थानको कपडा र बच्चाको कपडा गरी २४ पोका कपडा बरामद गरी आवश्यक कारवाहीको लागि कैलाली भन्सार कार्यालय धनगढीमा बुझाएका जनाएको छ ।
