अत्तरिया- कैलालीको अत्तरियामा रहेको सृजनशील युवा क्लबले आयोजना गर्न गइरहेको ‘सिवाईसी स्पोट्र्स लिग’ को जर्सी सार्वजनिक गरिएको छ । सोमबार अर्थात फाल्गुन १९ गते देखि सुरु हुन गइरहेको उक्त स्पोट्र्स लिगको शनिबार सहभागी ८ वटै टिमका जर्सी सार्वजनिक गरिएको छ ।
क्लवले प्रतियोगितालाई निरन्तरता दिँदै टोलीहरूको नाम गोदावरी नगरपालिका भित्रका स्थानीय पर्यटकीय स्थलहरूसँग सम्बन्धित गरी पुनः नामकरण गरिएको जसले पर्यटन प्रवर्द्धनमा टेवा पुर्याउने अपेक्षा गरिएको जनाएको छ ।
जर्सी सार्वजनिक गरिएको टिमहरूको नाम सिवाईसी गोदावरी धाम, सिवाईसी हाटखोली गाजरी, सिवाईसी दोगडे फुलबस्ती, सिवाईसी लामिताल, सिवाईसी भल्का धाम, सिवाईसी बुढीतोला जिरो पोइन्ट, सिवाईसी नायल ताल र सिवाईसी मछेली खोला रहेका छन् ।
टिमहरूको नाम बाटै गोदावरी नगरपालिका भित्र रहेका पर्यटकीय स्थलहरुको प्रवर्द्धन गरिएको आयोजक सृजनशील युवा क्लबले जनाएको छ । यस वर्ष देखि निरन्तरता दिँदै खेल टिमहरूको नामलाई स्थानीय पर्यटकीय स्थलसँग सम्बन्धित गरी पर्यटकीय स्थलहरुको प्रवर्द्धनका लागी पुनःनामकरण गरिएको आयोजकले जनाएको छ ।
आयोजना हुन् गइरहेको खेलहरुमा क्रिकेट खेल गोदावरी नगरपालिका वडा नं ३ चौकीडाँडा सामुदायिक बनमा रहेको खेलमैदानमा हुने भएको साथै फुटबल, भलिबल क्लबको खेलमैदान गरिने भएको आयोजकले जनाएको छ । मैत्रीपूर्ण खेल प्रतिस्पर्धा यही फाल्गुन १९ गते देखि सञ्चालन भई चैत १ गते समापन गरिने भएको छ ।
मैत्रीपूर्ण प्रतिस्पर्धाका रूपमा आयोजना गरिने यस प्रतियोगितामा २ लाख रुपैयाँ बराबरको पुरस्कार राशि तोकिएको छ । २०५४ सालमा स्थापना भएको सृजनशील युवा क्लबले खेलकुद तथा सामाजिक गतिविधिहरूमा सक्रिय रहँदै आएको छ ।
स्थानीय खेलाडीहरूलाई प्रोत्साहित गर्दै खेलकुद प्रवर्द्धन तथा पर्यटन विकास गर्ने लक्ष्यसहित क्लबले यो प्रतियोगिता आयोजना गर्न गइरहेको छ ।
