अत्तरिया- नेपाल पुस्तक तथा स्टेशनरी व्यवसायी संघ कैलालीको अध्यक्षमा नर बहादुर नेगी निर्वाचित भएका छन । धनगढीमा आज सम्पन्न संघको १६ औं वार्षिक साधारण सभा तथा ८ औँ अधिवेशनले अध्यक्ष नेगी सहित सम्पूर्ण कार्य समिति निर्विरोध चयन गरेको छ ।
त्यसैगरी संघको बरिष्ठ उपाध्यक्षमा निम प्रसाद मिश्र, उपाध्यक्षमा बिबेकानन्द ठाकुर, सचिवमा कृष्ण प्रसाद पण्डित र कोषाध्यक्षमा घनश्याम ओझा निर्विरोध चयन भएका छन् ।
त्यस्तै संघको सदस्यहरूमा बासुदेव रेग्मी, गौबिन्द प्रसाद अवस्थी, अनिल झा, इशु आचार्य र पुष्पा ऐरी निर्वाचित भएको निर्वाचन अधिकृत मोहन भण्डारीले बताए ।
यस अघि निवर्तमान अध्यक्ष भिम पडालको अध्यक्षतामा भएको संघको साधारण सभाको सुदूरपश्चिम प्रदेशका सामाजिक विकास मन्त्री मेघराज खड्काले उद्घाटन गरेका थिए ।
