कञ्चनपुर- कैलालीका एक पुरुष कञ्चनपुरमा मृत अवस्थामा फेला परेका छन् । कैलालीको धनगढी उपमहानगरपालिका–३ विशालनगर घर भई हाल कञ्चनपुरको भीमदत्त नगरपालिका–६ मा रहेको विनोद अटो वर्कशपमा काम गर्ने ३५ वर्षीय जिवन लामा आइतबार मृत अवस्थामा फेला परेका हुन् ।
लामा भीमदत्त नगरपालिका–४ विद्युत कार्यालय अगाडि मृत अवस्थामा फेला परेको जिल्ला प्रहरी कार्यालय कञ्चनपुरले जनाएको छ । यस सम्बन्धमा आवश्यक अनुसन्धान भइरहेको कञ्चनपुर प्रहरीले जनाएको छ ।