अत्तरिया- कैलालीका ४ जना विद्यार्थीले माध्यमिक शिक्षा परीक्षा (एसईई) मा ४ जिपीए अंक प्राप्त गरेका छन्। चार जिपीए अंक ल्याउनेमा गोदावरी नगरपालिकाको अत्तरिया क्षेत्रमा सञ्चालनमा रहेका मात्र ३ विद्यालय रहेका छन् ।
गोदावरी २ मा रहेका दुर्गालक्ष्मी नमुना माध्यमिक विद्यालय, सैनिक आवासीय महाविद्यालय तथा सत्यवती एकेडेमी र टीकापुरको विरेन्द्र विद्या मन्दिरका एक/एक जना विद्यार्थीले ४ जीपीए अंक प्राप्त गरेको शिक्षा विकास तथा समन्वय इकाइ कैलालीले जनाएको छ ।
दुर्गालक्ष्मी की निकिता अवस्थी, सैनीक आवासीय महाविद्यालयका विकास रावत, सत्यवती एकेडेमी का निर्मल ठगुन्ना तथा विरेन्द्र विद्या मन्दिरका हेमन्त बहादुर साउँदले ४ जिपीए सहित एसईई उत्तिण गरेका हुन् ।
२०८० सालको एसईई परीक्षामा कैलालीका १८ हजार ६० जना विद्यार्थी सहभागी भएकोमा ५ हजार ४ सय २८ जना मात्रै उत्तीर्ण भएका छन् भने ५ हजार ५० जनाले ग्रेड सुधार परीक्षा दिन पाउनेछन् । परीक्षा १५ चैत देखि २७ चैतसम्म भएको थियो ।
