काठमाडौं- राष्ट्रिय परीक्षा बोर्डले २०८० सालको माध्यमिक शिक्षा परीक्षा (एसईई) को नतिजा भोलि (बिहिबार) मात्रै सार्वजनिक गर्ने जनाएको छ ।
आज नतिजा प्रकाशित गर्ने भने पनि आन्तरिक तयारी नसकिएकाले भोली मात्रै सार्वजनिक गर्ने निर्णय भएको परीक्षा बोर्ड परीक्षा नियन्त्रण कार्यालय, कक्षा १० का उप-नियन्त्रक भक्त गोदारले जानकारी दिए ।
बुधबार बोर्ड बैठक बसेको थियो । ‘आजनै नतिजा प्रकाशन गर्ने तयारी भए पनि आन्तरिक तयारी सकिएन, सबै काम सक्दा राति हुने भयो, त्यसैले भोलि मात्रै नतिजा सार्वजनिक हुन्छ,’ उनले भने। उनले भोलि बिहान ७ बजे बोर्ड बैठक बोलाएको र करिब ९ बजे नतिजा प्रकाशित हुने जानकारी दिए ।
गत चैत १५ गतेदेखि शुरु भएको एसइईमा नियमित तर्फ ४ लाख ६७ हजार र ग्रेड वृद्धि तर्फ २१ हजार परीक्षार्थी सहभागी थिए ।