धनगढी- धनगढीमा होटलमा जुवातास खेलिरहेको अवस्थामा ७ जुवाडे पक्राउ परेका छन् । धनगढी उपमहानगरपालिका-७ मोती चोकस्थित कैलाली होटलमा जुवातास खेलिरहेको अवस्थामा होटल संचालक सहित सात जना पक्राउ परेका हुन् ।
पक्राउ पर्नेमा धनगढी-७ का ४५ वर्षीय होटल सञ्चालक वीर बहादुर साउद लगायत ७ जनालाई शुक्रबार दिउँसो प्रहरीले पक्राउ गरेको छ । जिल्ला प्रहरी कार्यालय कैलालीबाट खटिएको प्रहरीले उनीहरूलाई नगद ५७ हजार ६ सय ५० रूपैयाँ र ३ बुक ताससहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।