धनगढी- कैलालीको धनगढी बसपार्कस्थीत एक घरको छतबाट लडेर वृद्धको मृत्यु भएको छ । धनगढी उपमहानगरपालिका-४ बसपार्क पछाडि छोराको घरमा बस्दै आएका डोटी दिपायल सिलगढी नगरपालिका-३ स्थायी घर भएका ६५ वर्षीय बिष्णु बहादुर माझीको मृत्यू भएको हो ।
घरको तिन तलाको छतबाट लडेर गम्भिर घाईते भएका माझीको उपचारको लागि सेती प्रादेशीक अस्पताल ल्याईएकोमा उपचारको क्रममा बुधवार राती मृत्यु भएको जिल्ला प्रहरी कार्यालय कैलालीले जनाएको छ । घटनाका सम्बन्धमा प्रहरीले थप अनुसन्धान गरिरहेको जनाएको छ ।
