दार्चुला- दार्चुलामा नगदसहित सात जना जुवाडे पक्राउ परेका छन्। महाकाली नगरपालिका वडा नम्बर ५ गल्फैस्थित ३२ वर्षीय केशबदत्त भट्टको घरबाट सात जना जुवाडे पक्राउ परेको जिल्ला प्रहरी कार्यालय दार्चुलाका प्रहरी निरीक्षक एवम सुचना अधिकारी ज्ञानेन्द्रबहादुर सिंहले बताए।
पक्राउ पर्नेमा दार्चुलाको महाकाली नगरपालिका वडा नम्बर ५ का ३२ वर्षीय भट्ट, सोही वडाका रतनसिंह खाती, कमलसिंह ठगुन्ना, खिमानन्द भट्ट र अम्बादत्त भट्ट, जीवन भट्ट तथा कञ्चनपुरको भीमदत्त नगरपालिका वडा नम्बर ९ का जनकराज जोशी रहेको सिंहले बताए। उनीहरुको साथबाट ४३ हजार तीन सय रुपैयाँ नगदसहित तास बरामद गरिएको छ।
