Satyawati
Division ban Pahalmanpur

इजरायल घटनाले दार्चुलाका दुई गाउँ शोकमा

Sostya office Dadeldhura
Purbadhar dadeldhura

दार्चुला- इजरायलमा हमासले गत शनिबार गरेको आक्रमणमा परी मृत्यु हुने १० जना नेपाली विद्यार्थीमध्ये दुई जना दार्चुलाका परेका छन् । घटनाको खबरपछि उनीहरुका आफन्तसँगै गाउँ नै शोकमग्न छ ।

सुदूरपश्चिम विश्वविद्यालयको कृषि क्षेत्रको ‘लर्न एण्ड अर्न’ कार्यक्रमअन्तर्गत इजरायल गएका मालिकार्जुन गाउँपालिका-४ हुनैनाथका लोकेन्द्रसिंह धामी र लेकम गाउँपालिका-५ रिठाचौपाताका दीपेशराज विष्टको निधनले गाउँ शोकमा डुबेको हो ।

चाडपर्वको मुखमा घरको जेठो छोरा गुमेको खबर सुनेपछि दीपेशराजकी आमा पार्वती अचेत अवस्थामा छिन् । २० वर्षअघि श्रीमान गुमाएकी पार्वतीले निकै कष्टले छोरा हुर्काएकी थिइन । छोराको निधनको खबर पाएपछि बेहोस भएकी उनलाई अस्पताल भर्ना गरिएको छ । दार्चुलाबाट महेन्द्रनगर जान भनेर हिडेकी विष्टकी आमा बेहोस भएपछि गोकुलेश्वरमा स्लाइन पानी दिएर भर्ना गरिएको छ ।

Malpot office dadeldhura

पढाइसँगै कमाउने रहरले इजरायल पुगेका दीपेशले पहिलो तलब पनि पाएका थिएनन् । उनले असोज ३ गतेदेखि काम सुरु गरेका थिए । विदेश गएको एक महिना हुन नपाउदै अचानक मृत्युको खबरले परिवारसँगै उनको टोल स्तब्ध छ । २४ वर्षीय दीपेशराज घरका जेठा छोरा थिए । छोराको मृत्युको खबरले पुरै परिवार विचलित भएको दीपेशका काका केशव विष्टले बताए ।

त्यस्तै मालिकार्जुन-४ हुनैनाथका २४ वर्षीय लोकेन्द्रसिंह धामीको मृत्युको खबरले घरपरिवार विचलित अवस्थामा रहेको आफन्त एकेन्द्रसिह धामीले बताए । लोकेन्द्रको घरमा हजुरआमा, आमाबुवा, श्रीमती‚ चार वर्षको छोरी र डेढ वर्षको छोरा छन् ।

लटिनाथ मावि चन्दनपुर चौपाताबाट आईएस्सी एजी गरेर बीएस्सी एजी पढ्न लोकेन्द्र सुदूरपश्चिम विश्वविद्यालयको कृषि क्याम्पस टिकापुर पुगेका थिए । गत महिना थप पढाइसँगै कमाइ पनि हुनेमा उनी इजरायल जाने छनोटमा पर्दा परिवार हर्षित थियो । आइतबार एक्कासि मृत्युको खबर सुन्दा परिवारसँगै गाउँ नै शोकमा छ ।

उनीहरुको शव ल्याउन पहल भइरहेको प्रमुख जिल्ला अधिकारी किरण जोशीले बताए । दीपेश र लोकेन्द्रका घरमै पुगेर परिवारलाई उनले सान्त्वना दिएका छन् । पीडित परिवारले जतिसक्दा चाडो शव नेपाल ल्यादिन आग्रह गरेका छन् ।

Dadeldhura Aspatal & Ban
Jalsorat division office dadeldhura
Loading...