दार्चुला- पहिरोका कारण महाकाली राजमार्गको दार्चुला–गोकुलेश्वर सडक खण्ड अवरूद्ध भएको छ । शनिबार रातिको वर्षाले राजमार्गको दार्चुला–गोकुलेश्वर खलंगा सडक खण्डको तेर्छालेकमा पहिरो खस्दा अवरुद्ध भएको हो ।
शनिबार रातिको वर्षाले हिलोसहितको पहिरो खस्दा राजमार्ग अवरुद्ध भएको जिल्ला प्रहरी कार्यालय दार्चुलाले जनाएको छ । पहिरो एक किलोमिटर क्षेत्रमा फैलिएको छ । सडक अवरुद्ध हुँदा छोटो तथा लामो दुरीका सवारी साधन चल्न सकेका छैनन् । अहिले सडक खुलाउने प्रयास भइरहेको छ ।
