कैलाली–४ मा कांग्रेसको क्षेत्रीय सभापतिमा सुरतबहादुर कार्की निर्वाचित

अत्तरिया- नेपाली कांग्रेसको १५औँ महाधिवेशनअन्तर्गत कैलाली निर्वाचन क्षेत्र नम्बर ४ को क्षेत्रीय सभापतिमा सुरतबहादुर कार्की निर्वाचित भएका छन्।

नेपाली कांग्रेस कैलाली क्षेत्र नम्बर ४ को निर्वाचन समितिले सार्वजनिक गरेको मत परिणामअनुसार कार्की क्षेत्रीय सभापतिमा निर्वाचित भएका हुन्। निर्वाचन समितिले क्षेत्रीय सभापतिसहित विभिन्न समूह तथा क्लस्टरबाट निर्वाचित २१ जनाको नाम सार्वजनिक गरेको छ।

निर्वाचन परिणामअनुसार खुला महिला सदस्यतर्फ तुलसी देवकोटा, ईश्वरी कठायत, ललिता पाठक र ईश्वरी रावल निर्वाचित भएका छन्।

त्यस्तै खुलातर्फ गौरवबहादुर विष्ट (आनन्द), लोक राज पाण्डेय (आगो), धुवराज भट्टाई, बसन्त रोकाया, खेमबहादुर साउद, पुष्पराज जोशी, विष्णुप्रसाद भाट, भोजबहादुर बम, पदमराज भट्ट र रोशन सिंह निर्वाचित भएका छन्।

पेशागत विषय विज्ञतर्फ टेक राज अवस्थी, युवा महिलातर्फ रोशनी शाह, युवा खुलातर्फ दीपक राज ओझा र भुवन महरा निर्वाचित भएका छन्।

यसैगरी प्रजातन्त्र सेनानीतर्फ विक्रमबहादुर खड्का र आदिवासी जनजातितर्फ यज्ञराज चौधरी निर्वाचित भएका छन्।

निर्वाचन समितिको कार्यालय, अत्तरियाले आज (बिहीबार) १५ गते मत परिणाम घोषणा सम्बन्धी सूचना जारी गर्दै निर्वाचित उम्मेदवारहरूको नाम सार्वजनिक गरेको हो।

निर्वाचित हुनेहरूको सूची

निर्वाचन समितिले सार्वजनिक गरेको परिणामसँगै कैलाली–४ मा कांग्रेसको १५औँ महाधिवेशनअन्तर्गत क्षेत्रीय नेतृत्व तथा प्रतिनिधि चयन प्रक्रिया पूरा भएको छ।