बैतडी- राष्ट्रिय स्वतन्त्र पार्टी (रास्वपा) बैतडीको प्रथम जिल्ला अधिवेशनबाट भीम नाथ सर्वसम्मत रूपमा जिल्ला सभापतिमा पुनः चयन भएका छन् ।
रास्वपा सुदूरपश्चिमका संस्थापक महामन्त्री भोजराज जोशी का अनुसार उपसभापतिमा हेमन्तकुमार ऐर, सचिवमा हरिश जोशी तथा सहसचिवमा जनकबहादुर गडाल चयन भएका छन् ।
त्यस्तै सदस्यहरूमा शालिभानसिंह धामी, पूजा महर, करणसिंह सुतार, मानमती नाथ, सुरेश विष्ट र बबिता साउद चयन भएका छन् । नवनिर्वाचित कार्यसमितिको कोषाध्यक्ष भने पछि मनोनयन गरिने जनाइएको छ ।