धनगढी- धनगढीस्थित नवजीवन सहकारी संस्था लिमिटेडको ३२औं वार्षिक साधारणसभाअन्तर्गत हुने निर्वाचनका लागि अध्यक्ष पदमा ४ जनाले उम्मेदवारी दर्ता गराएका छन्। अध्यक्षका लागि केशव राज मिश्र, गोपाल राज पाठक, धन बहादुर शाह र चेतराज ओझा चुनावी मैदानमा उत्रिएका छन्।
उपाध्यक्ष पदमा इन्द्र प्रसाद जोशी, उत्तम जोशी र उपेन्द्र बिष्टबीच प्रतिस्पर्धा हुने भएको छ। सदस्य पदका लागि भने ३० जना उम्मेदवारले उम्मेदवारी दिएका छन्।
यस्तै, लेखा सुपरीवेक्षण समिति संयोजक पदका लागि गणेश प्रसाद जोशी र चेतराज जोशीबीच प्रतिस्पर्धा हुनेछ। सदस्य पदमा खेमराज पाठक, गणेश प्रसाद उपाध्याय, टेक राज जोशी र दिलिप रोकाय क्षेत्री उम्मेदवार रहेका छन्।
निर्वाचन समितिले सबै उम्मेदवारको नामावली सार्वजनिक गर्दै तोकिएको कार्यतालिका अनुसार निर्वाचन प्रक्रिया अघि बढाइने जनाएको छ।
