धनगढी- कैलालीको धनगढी उपमहानगरपालिकाले सुरु गरेको नगर प्रमुख शैक्षिक गुणस्तर सुधार कार्यक्रममा नबिल बैँङ्कले सहयोग गरेको छ ।
उपमहानगरले स्थापना गरेको नगर प्रमुख शैक्षिक सुधार कोषमा नबिल बैँङ्क धनगढी शाखाले ७८ हजार ७ सय ५० रुपैयाँ सहयोग गरेको हो । नमुना विद्यालयमा अध्ययनरत १५ जना बालबालिकाका लागि नबिल बैँङ्कले नगर प्रमुख गोपाल हमाललाई ७८ हजार ७ सय ५० रुपैयाँको चेक हस्तान्तरण गरेको हो ।
धनगढी उप–महानगरपालिका नगर प्रमुख शैक्षिक गुणस्तर सुधार कार्यक्रम सन्चालनका लागि छनौट भएका नमुना विद्यालयका बालिकाहरूको पोशाकका लागि नगर प्रमुख शैक्षिक सुधार कोषमा उक्त रकम सहयोग गरिएको हो ।
