धनगढी, १७ जेठ- कैलालीमा सशस्त्र प्रहरीले ३ लाख ५८ हजार ९ सय ५० रुपैयाँ मूल्य बराबरको खसीसहित अवैध सामान बरामद गरेको छ ।
सोमबार सशस्त्र प्रहरी बल नेपाल नं.३४ गण हेडक्वाटर कैलाली तथा मातहतका बीओपीहरुबाट खटिएको सशस्त्र प्रहरीको गस्ति टोलीले विभिन्न स्थानबाट सो मूल्य बराबरको खसीसहित अवैध सामान बरामद गरेको हो ।
सशस्त्र प्रहरीले भारतबाट अवैध रुपमा नेपालतर्फ भित्र्याउँदै गरेको सुर्ती, किरानाका सामान र खसीहरु बरामद गरी आवश्यक कारबाहीका लागि कैलाली भन्सार कार्यालय धनगढी बुझाएको बताए ।
