अत्तरिया- कैलालीको अत्तरियामा सामाजिक सद्भाव, आपसी विश्वास र धार्मिक सहिष्णुता अभिवृद्धि गर्ने उद्देश्यले सर्वधर्मीय संवाद कार्यक्रम आयोजना गरिएको छ।
आइतबार गोदावरी चेम्बर अफ कमर्स र जय गोदावरी अभियान को आयोजनामा सम्पन्न चियापान तथा अन्तरक्रिया कार्यक्रममा विभिन्न धर्म, जातजाति, भेषभूषा तथा पेशा–व्यवसाय र विभिन्न संघ–संस्थामा आबद्ध व्यक्तिहरूको उल्लेखनीय सहभागिता रहेको थियो।
कार्यक्रममा सहभागीहरूले सामाजिक एकता, पारस्परिक सम्मान, धार्मिक सहिष्णुता र आपसी विश्वासलाई थप सुदृढ बनाउने विषयमा विचार आदानप्रदान गरेका थिए। आयोजकका अनुसार यस्ता संवाद कार्यक्रमले समाजमा मेलमिलाप र सद्भाव कायम राख्न महत्वपूर्ण योगदान पुर्याउने विश्वास व्यक्त गरिएको छ।
