काठमाण्डौ- विश्व फुटबलको सबैभन्दा ठूलो प्रतियोगिता फिफा विश्वकप २०२६ आजबाट अमेरिका, क्यानाडा र मेक्सिकोमा संयुक्त रूपमा सुरु हुँदैछ। पहिलोपटक ४८ राष्ट्र सहभागी हुने यस संस्करणमा कुल १ सय ४ खेल खेलिनेछन्, जसले विश्वकप इतिहासमै नयाँ कीर्तिमान कायम गर्नेछ।
मेक्सिको सिटीस्थित ऐतिहासिक स्टेडियमबाट उद्घाटन समारोहको सुरुवात हुनेछ भने आयोजक राष्ट्रहरूले आ–आफ्नो शैलीमा भव्य कार्यक्रम आयोजना गरेका छन्। मेक्सिको, क्यानाडा र अमेरिकामा छुट्टाछुट्टै उद्घाटन समारोह आयोजना गरिनु यस विश्वकपको अर्को विशेषता बनेको छ।
उद्घाटन खेलमा मेक्सिको र दक्षिण अफ्रिका आमनेसामने हुनेछन्। त्यसपछि क्यानाडाले बोस्निया हर्जगोबिनासँग तथा अमेरिकाले पाराग्वेसँग प्रतिस्पर्धा गर्दै आफ्नो अभियान सुरु गर्नेछन्। विश्वभरका करोडौं फुटबल समर्थकको ध्यान तानेको यो प्रतियोगितालाई खेल इतिहासकै सबैभन्दा विशाल र रोमाञ्चक विश्वकपका रूपमा हेरिएको छ।