अत्तरिया- युवा व्यवसायी हिमाल देसराज पाण्डेयले एक वर्षको अवधिमा ५ हजार किलोमिटर साइकल यात्रा पूरा गर्दै प्रेरणादायी उपलब्धि हासिल गरेका छन् ।
उनको यात्रा कर्णाली ब्रिजबाट सुरु भई महेन्द्रनगर, पुनर्वास, धनगढी, गोदावरी, भासुभिर, खानिडाँडा, बुढीतोला, हाटखोली, फूलबारी हुँदै बर्दियाको ठाकुरद्वारासम्मका विभिन्न स्थानहरू पार गर्दै सम्पन्न भएको हो।
लामो दूरी र चुनौतीपूर्ण भू–भाग पार गर्दै सम्पन्न गरिएको उक्त यात्राले उनको दृढ इच्छाशक्ति, अनुशासन र निरन्तर मेहनतको उदाहरण प्रस्तुत गरेको छ। यस यात्राले स्वस्थ जीवनशैली, आत्मविश्वास र सकारात्मक सोचको सन्देश समेत दिएको छ।
उनको यो उपलब्धिले युवापुस्तालाई प्रेरणा दिने विश्वास गरिएको छ भने भविष्यमा अझ ठूला लक्ष्य हासिल गर्न ऊर्जा प्रदान गर्ने अपेक्षा गरिएको छ।
