सुदूरपश्चिम प्रदेश सरकारका मुख्यमन्त्री कमलबहादुर शाहले अत्यावश्यक वाहेक अन्य विदामा नबस्न कर्मचारीहरुलाई निर्देशन दिएका छन ।
बुधबार मुख्यमन्त्रि तथा मन्त्रिपरिषद्को कार्यालय धनगढीमा सुदूरपश्चिम प्रदेश लगानी तथा विकास सम्मेलन २०८२, नीति तथा कानुन अध्ययन तथा सिफारिस उपसमितिले आयोजना गरेको अन्तरक्रिया कार्यक्रममा उनले यस्तो निर्देशन दिएका हुन ।
“सुदूरपश्चिम प्रदेश सरकार यतिबेला आगामी असोज १ र २ गते लगानी तथा विकास सम्मेलनको तयारीमा जुटेको छ,“ मुख्यमन्त्री शाहले भने “कोहीपनि अत्यावश्यक वाहेक अन्य विदामा नबस्नु होला ।“ साथै उनले प्रमुख सचिव डा. कमल प्रसाद पोख्रेललाई मातहतका निकायमा निर्देशन परिपत्र गर्न निर्देशन दिएका छन । लगानी तथा विकास सम्मेलन सफल बनाउन सबैलाग्नु पर्नेमा जोड दिदै मुख्यमन्त्री शाहले प्रदेशमा लगानीमैत्री बातावरण बनाई लगानीकर्तामा विश्वासको वातावरण सिर्जना प्रदेश सरकार गम्भिर रहेको बताए ।
“काम गर्ने क्रममा विभिन्न कानूनी जटिलता आउन सक्छन,“ मुख्यमन्त्री शाहले भने “प्रदेश कानुन सचिब डा. वीरेन्द्र कुमार मिश्रले तत् तत् निकायमा समन्वय गरी एक हप्ताभित्र कानुनी समस्या पहिचान गर्नुहोला ।“ उनले दुई तरिका (अध्यादेश मार्फत र संकल्प प्रस्ताव पेश) बाट ऐन संशोधन गर्न सकिने बताए ।
लगानी तथा विकास सम्मेलनल सुदूरपश्चिम प्रदेशको आर्थिक, सामाजिक र पूर्वाधार विकासका लागि एक कोशेढुङ्गा सावित हुनेछ । सम्मेलनबाट पूर्वाधार विकास, पर्यटन विकास, रोजगारी सिर्जना, पर्यटन प्रवद्र्धन, कृषि तथा वन उपजमा मूल्य अभिवृद्धि, सीमा व्यापार तथा अन्तरदेशीय आर्थिक साझेदारी लगायतका क्षेत्रमा टेवा पुग्ने विश्वास प्रदेश सरकारले लिएको छ ।
