काठमाडौं । नेपाल प्रिमियर लिग ९एनपीएल० को पहिलो संस्करण शनिबारबाट सुरु भएको छ।शनिबार भएको उद्घाटन खेलमा विराटनगर किङ्स र जनकपुर बोल्ट्सले प्रतिस्पर्धा गरेका थिए।आइतबार भने एनपीएलका कुनै पनि खेल नहुने भएको छ।
आइतबार देशभर स्थानीय निकायको उपनिर्वाचन हुँदै छ।सो दिन कीर्तिपुर नगरपालिकामा पनि उपनिर्वाचन हुँदै छ।उपनिर्वाचनमा कीर्तिपुरमा दुई वडा अध्यक्षसहित मेयर पदको पनि निर्वाचन हुँदै छ।कीर्तिपुर नगरपालिकामा नगर प्रमुखसँगै वडा नम्बर १ र वडा नम्बर ४ को अध्यक्षका लागि आइतबार निर्वाचन हुँदै छ ।
उपनिर्वाचनमा आचारसंहिता लागू हुने र सो दिन सवारी साधन सञ्चालनसँगै अन्य गतिविधि गर्न नपाइने भएकाले मंसिर १६ मा एनपीएलका खेल नहुने क्यानका सचिव पारस खड्काले बताए।‘उपनिर्वाचनमा आचारसंहिता लागेको हुन्छ।अझ कीर्तिपुरमै उपनिर्वाचन हुँदै छ।त्यसैले सो दिन एनपीएलका कुनै पनि खेल हुँदैन’, सचिव खड्काले भने ।
आइतबार कुनै पनि खेल नभए पनि सोमबारबाट भने लिग चरणमा दुई खेल हुँदै छ।पहिलो खेलमा काठमाडौं गोर्खाज र चितवन राइनोज आमनेसामने हुँदा दोस्रो खेलमा जनकपुर बोल्ट्स र कर्णाली याक्सले प्रतिस्पर्धा गर्ने छन्।शनिबार भएको उद्घाटन खेलमा जनकपुर बोल्ट्सले विराटनगर किङ्सलाई आठ विकेटले पराजित गरेको थियो ।